Om oss
Ridning/hesteskyss:
Jeanett Skophamar
6879 Solvorn
Tlf: 41510838
E-mail: jeanett__@hotmail.com
Highland Cattle:
Kurt Bjørnethun
6879 Solvorn
Tlf: 90571858
E-mail: kubj@online.no
På garden Bjørnethun i Solvorn har eg eit tilbod om ridekurs, rideturar og hesteskyss. På garden er det hestar, ponniar, hundar og skotsk høglandsfe. Eg legg stor vekt på at all omgang og handtering av hestane skal føregå på ein trygg og god måte. Hestane her er dølahestar, som er ein veldig stødig og trygg rase som egnar seg godt til dette føremålet. I tillegg er her ein liten shetlandsponni for dei minste ryttarane. Utanom ridinga, syns eg det er viktig at alle får ta del i stell av hesten, legge på utstyr og stell i stallen.
Hundane på garden, Ayla og Charlie, er Newfoundlandshundar. Dei er store, men veldig rolege og snille hundar.
Kurt har ein flokk med Skotsk Høglandsfe på ca 20 dyr. Desse er ammekyr, og ungdyra blir selde som livdyr. Oksen Balder går saman med flokken, og det blir født rundt 7 kalvar i året. Dei er veldig flotte å sjå på! Les meir om dei på eiga side, eller www.cattle.no som er heimesida til Kurt.
Litt om meg:
Starta med hest rundt 1997. Fekk min første hest, Mickey Boy, i 1999. Har dreve aktivt med hest kvar dag sidan då dette var den store interessa. I 2004 starta eg Urnes Hesteskyss, der eg i to sesongar skyssa turistar med tospannet Mickey Boy og Leira til Urnes Stavkyrkje. Seinare vart tilbodet utvida med rideturar for turistar og ridekurs på vinterstid. Solvorn Hest vart skipa i 2006.
Utdanning:
1 år på idrettslinja, Sogndal VGS 2003/2004
2 år på Barne og ungdomsarbeidar linja, Luster VGS 2005/2007
1 år lærling som Barne- og ungdomsarbeidar 2007/2008
Kurs "Oppstart Inn på Tunet", skogbrukets kursinstitutt, 2008
Grunnkurs "Ledelse av barn og ungdom", Hest og Helse, 2006
Kurs "Hest i helsearbeid", Hest og Helse, 2004
Rideknappen grad 5, 2003
Køyrekurs Olaf Nyby "Temming/innkøyring", 2002
Køyrekurs Urban Roos, dressur, 2004
Køyrekurs Thor Juvet, 2005
Køyrekurs Monica Stubseid, dressur/presisjon, 2006
Køyrekurs Monica Stubseid, dressur/presisjon, 2007
Køyrekurs Monica Stubseid, dressur/presisjon, 2008
Dressursamlingar med Bjørn Johansen, 2003 - 2008
Køyrekurs Olaf Nyby, dressur, 2004
Kurs i brukshestkøyring Kjell Eidsvåg, 2006
